कल्याण : जिल्हास्तरीय अजिंक्यपद स्पर्धा व निवड चाचणीचे आयोजन

कल्याण

कल्याण डोंबिवली महानगरपालिका लंगडी असोसिएशनच्या माध्यमातून जिल्हास्तरीय अजिंक्यपद स्पर्धा व निवड चाचणीचे आयोजन बुधवार, दि ३ मार्च २०२२ रोजी नेतीवली क्रिडांगण, शाळा क्रमांक १९ जवळ, कल्याण पूर्व या ठिकाणी सकाळी ८ वाजता करण्यात आले आहे.

लंगडी असोसिएशन ऑफ महाराष्ट्र यांच्या माध्यमातून १८ वर्षे वयोगटाखालील मुले व मुलींच्या राज्यस्तरीय लंगडी अजिंक्यपद स्पर्धा आयोजन दिनांक १२ व १३ मार्च २०२२ या कालावधीत डेरवण, चिपळूण, जिल्हा रत्नागिरी या ठिकाणी आयोजित करण्यात आले आहे. या स्पर्धेसाठी कल्याण डोंबिवली महानगरपालिकेचा संघ निवडण्यात येणार आहे. निवड चाचणीसाठी खेळणारा खेळाडू हा १ जानेवारी २००५ नंतर जन्मलेला असावा.

तरी सर्व महाविद्यालये, शाळा यांनी यामध्ये सहभागी व्हावे, असे आवाहन असोसिएशनचे कार्याध्यक्ष अविनाश नलावडे, सचिव प्रवीण खाडे व सहसचिव सुभाष गायकवाड यांनी केले आहे. यासाठी ८०९७१९१५७६, ९७३०८९६२६१ या क्रमांकावर संपर्क करावा.