कल्याणच्या कराटे खेळाडूंची चमकदार कामगिरी

आंतरराष्ट्रीय स्पर्धेत पटकावले 8 सुवर्ण पदक

कल्याण

मुंबई अंधेरी येथे नुकत्याच झालेल्या आंतरराष्ट्रीय कराटे स्पर्धत कल्याणच्या खेळाडूंनी चमकदार कामगिरी करत 8 सुवर्णपदकास गवसणी घातली आहे. ही स्पर्धा कॉम्बॅक्ट्स मार्शल आर्ट असोसिएशनच्या वतीने आयोजित करण्यात आली होती. स्पर्धेमध्ये महाराष्ट्र, गुजरात, आंध्र प्रदेश, कर्नाटक, मध्य प्रदेश, राजस्थान सह विदेशातून भूटान, नेपाळ, बांगलादेश, व श्रीलंका येथील 1500 कराटे खेळाडूंनी सहभाग घेतला होता.

कल्याणच्या मार्शल आर्ट अँड स्पोर्ट्स अकॅडमी इंडिया या क्लबच्या स्पर्धकांनी स्पर्धेत काता आणि कुमिते यामध्ये उत्कृष्ट कामगिरी करत यश संपादन केले.

काता प्रकारात सुवर्ण पदक विजेते सारंग पवार, सोहम पाटणे, आयुष अडेकर, मंजिरी कुतरवाडे, चेतना साळुंके तर रौप्य पदक विजेते किशोर जयशंकर, सुमेध गायकवाड, ओम कांबळे, गौरवी तारी, पारस म्हात्रे, अर्णव यादव. कांस्य पदक विजेते आशिष सहेजराव, आदित्य घानेकर, अंजली गुप्ता, हिमांशु खंडारे, वेद घावरे, आरव बोरेकर, कौस्तुभ चौधरी, श्रेयस पाटील, नैनेश गौर, केतकी सरोदे, प्रांजल कुतरवाडे हे आहेत.

कुमिते प्रकारात सुवर्ण पदक विजेते गौरव तारी, ओम कांबळे, आणि श्रेयस पाटील, कांस्य पदक विजेते चेतना साळुंके, मंजिरी कुतरवाडे, हिमांशू खंडारे, पारस म्हात्रे, अर्णव यादव, आयुष अडेकर, सोहम पाटणे हे आहेत. या सर्व विजेत्या खेळाडूंना प्रशिक्षक सेन्साई महेश चिखलकर व आशिष सहेजराव, सुमेध गायकवाड यांचे मार्गदर्शन लाभले.