ठाणे
पुणे येथे झालेल्या राज्यस्तरीय सुपर स्प्रिंट जलतरण स्पर्धेत ठाण्यातील स्टारफिश नायट्रो संघाने आपली आगळीवेगळी छाप सोडत, तब्बल ४० पदकांची कमाई केली आहे. यामध्ये २० सुवर्ण, १९ रौप्य व ६ कांस्यपदकांचा समावेश आहे.
पुण्यातील बालगंधर्व जलतरण तलाव येथे १९ व २० फेब्रुवारी रोजी जलतरण स्पर्धा पार पडल्या. या स्पर्धेत ७ वर्षाखालील गटामध्ये मुलांमध्ये ओजस मोरे याने ३ रौप्य व १ कांस्य, नक्ष निसार याने १ रौप्य व २ कांस्यपदके तर मुलींमध्ये माहि जांभळे हिने ५ सुवर्णपदके पटकाविली. ९ वर्षाखालील मुलांमध्ये रुद्र निसार याने १ सुवर्ण व १ रौप्य तर मुलींमध्ये निधी सामंत हिने ८ सुवर्ण १ रौप्य, फ्रेया शाह हिने १ सुवर्ण व ५ रौप्य तर श्रुती जांभळे हिने १ रौप्य पदक पटकाविले. १० वर्षाखालील गटात विराट ठक्कर याने ३ सुवर्ण, २ रौप्य व १ कांस्यपदक पटकाविले. ११ वर्षाखालील मुलींमध्ये आयुषी आखाडे हिने २ सुवर्ण व २ रौप्यपदके पटकाविली. १२ वर्षाखालील मुलांमध्ये आदित्य घाग याने २ रौप्य व १ कांस्यपदक तर १४ वर्षाखालील मुलांमध्ये सोहम साळुंखे याने १ रौप्य व १ कांस्यपदक पटकाविले. हे सर्व जलतरणपटू कैलास आखाडे, रुपेश घाग व अतुल पुरंदरे यांच्या मार्गदर्शनाखाली जलतरणाचे प्रशिक्षण घेत आहे.
Leave a Reply