केडीएमसी निवडणुकीत बिनविरोध निवडींची संख्या चार
डोंबिवली
कल्याण डोंबिवली महापालिका निवडणूक 2026 अंतर्गत पॅनल क्रमांक 27 अ मधून भारतीय जनता पार्टीच्या महिला उमेदवार मंदा सुभाष पाटील या बिनविरोध निवडून आल्या आहेत. त्यांच्या विरोधात असलेल्या मनसेच्या उमेदवार सुवर्णा पाटील यांनी उमेदवारी अर्ज मागे घेतल्यामुळे ही बिनविरोध निवड निश्चित झाली.
निवडणूक निर्णय अधिकाऱ्यांकडून उमेदवारी अर्जांची छाननी प्रक्रिया पूर्ण झाल्यानंतर ही स्थिती स्पष्ट झाली आहे. सुवर्णा पाटील यांच्या माघारीमुळे पॅनल क्रमांक 27 अ मध्ये कोणताही प्रतिस्पर्धी उरलेला नसल्याने मंदा पाटील यांची बिनविरोध निवड जाहीर करण्यात आली.
या निवडीसह कल्याण डोंबिवली महापालिका निवडणुकीत आतापर्यंत बिनविरोध निवडून आलेल्या उमेदवारांची संख्या चारवर पोहोचली आहे. पुढील टप्प्यात अंतिम उमेदवार यादी जाहीर होणार असून त्यानंतर अधिकृत निकाल प्रक्रियेला वेग येणार आहे.
निवडणूक प्रक्रियेशी संबंधित सर्व घडामोडी निवडणूक आयोगाच्या नियम व आचारसंहितेच्या चौकटीत पार पडत असल्याची माहिती प्रशासनाकडून देण्यात आली आहे.
Leave a Reply