मानधन स्वतःसाठी नाही, दुष्काळग्रस्त शेतकऱ्यांसाठी! -

नगरसेविका म्हणून मिळालेले मानधन मुख्यमंत्री सहाय्यता निधीसाठी

डोंबिवली

लोकप्रतिनिधी म्हणून मिळणारे मानधन सामाजिक कार्यासाठी वापरत नगरसेविका ॲड. कविता मिलिंद म्हात्रे यांनी दुष्काळग्रस्त शेतकऱ्यांसाठी पुढाकार घेतला आहे. नगरसेविका म्हणून कार्यभार स्वीकारल्यापासून मिळालेले केडीएमसी महानगरपालिकेचे मानधन दुष्काळग्रस्त शेतकऱ्यांच्या मदतीसाठी मुख्यमंत्री सहाय्यता निधीला देण्याचा निर्णय त्यांनी घेतला.
त्याअनुषंगाने मानधनाची रक्कम भाजपचे महाराष्ट्र प्रदेशाध्यक्ष रवींद्र चव्हाण यांच्याकडे सुपूर्त करण्यात आली. या माध्यमातून दुष्काळाच्या संकटाचा सामना करणाऱ्या शेतकरी बांधवांना मदतीचा हात देण्याचा प्रयत्न करण्यात आला आहे.

लोकप्रतिनिधी म्हणून वेगळा आदर्श
सार्वजनिक पदावर काम करताना मिळणाऱ्या मानधनाचा उपयोग वैयक्तिक कारणांसाठी न करता सामाजिक गरजेसाठी करण्याचा निर्णय कविता म्हात्रे यांनी घेतला. त्यांच्या या उपक्रमातून सामाजिक बांधिलकी आणि लोकप्रतिनिधी म्हणून असलेली जबाबदारी अधोरेखित होत आहे.
दुष्काळग्रस्त शेतकऱ्यांच्या मदतीसाठी मुख्यमंत्री सहाय्यता निधीतून मदत केली जाते. त्याच उद्देशाने आपले मानधन या निधीसाठी देत कविता म्हात्रे यांनी सामाजिक क्षेत्रात एक आदर्श निर्माण करण्याचा प्रयत्न केला आहे.